Albergue Alvarella

Estamos próximos ao Parque Natural das Fragas do Eume, unha das paraxes naturais máis interesantes do norte galego, e tamén moi cerca de cidades de gran interés cultural e urbanístico como Ferrol (20 km), Betanzos (15 km), Pontedeume (5 km) e A Coruña (25 km), coas praias de Miño, Perbes e Cabanas a 10 minutos das nosas instalacións.

O albergue ubícase nunha finca de 50.000 metros cadrados. Consta dun edificio concebido para turismo de grupos, con 12 habitacións de 2-5 plazas, dúas delas adaptadas para persoas con discapacidade, todas con baño e calefacción. Sitúase a medio camiño entre o bosque e a paisaxe do val, ergido sobre un bancal e oculto baixo as árbores, xogando a ser un escondite e un observatorio da natureza. O albergue non é só un aloxamento, senon tamén un centro de aprendizaxe e iniciación á cultura medioambiental, que incorpora solucións constructivas bioclimáticas e ecolóxicas, aproveitando a enerxía solar e eólica.

Existen ademáis outras zonas de uso común como a piscina, o comedor, a palleira (sala de usos múltiples), a pista deportiva, a zona de xogos tradicionais e amplos espazos verdes.

Ofertamos para grupos obradoiros e actividades de educación ambiental en relación co Parque Natural das Fragas do Eume, o Patrimonio Histórico Eumés, as enerxías renovables, o litoral Atlántico e a reciclaxe de residuos e augas; así como rutas de sendeirismo, cabalo e piragua.

Nas cercanías de Alvarella podes atopar todo tipo de contrastes sen perder tanto o interese turístico como o natural. Destacan grandes cidades como poden ser as cidades da Coruña ou Ferrol, ou pobos máis pequenos como Betanzos ou Pontedeume, que non perderon o seu encanto eterno. Tamén podes atopar espazos naturais como a fermosa Praia de Vilarrube ou perderte na inmensidade do bosque atlántico das Fragas do Eume. Nos nosos arredores hai numerosas actividades tanto deportivas como culturais ao teu alcance. ¡Anímate a probar!